O2O。

即Online to Offline或Offline to Online，線上線下互聯的主流商業營運模式。

或者你會問，用「O2O」的眼光看世界，咪即係講生意經？我只係普通上班族一名，都唔關我事啦？答案當然係「關你事！」網絡世界的發展空間和可行性可說是無限大，可引發好多有趣嘅事物出現。好似上星期我到了深圳前海的周大福O2O Mall，在完成工作過後，便用手機App召喚車子，在等候期間突然發現有兩個「電話亭」，好奇行近點看，原來是獨立包廂式的卡拉OK，只需下載專用App，就可以操控點唱。消費模式選擇多，最低消費唱十五分鐘都只是人民幣16元，試唱發現歌曲夠新、音響設備質素又唔錯，仲有評分呢！

影了幾張相，立即同朋友分享，大家都熱烈討論起來，有人話放喺商場角落就正啦，Shopping行到累或者等待遲到中的女朋友，走入去唱番幾首歌可消磨下時間！另有朋友話應該加插啲唱歌用品廣告，可立即Online購買或者送啲相關eCoupon。有位常發歌星夢的女友人，更諗到唱完歌得出評分後，可以隨即線上聯繫專業音樂老師，點評唱歌技巧。覺得老師有水準，即時報名，以後邊唱邊線上教學，幾方便！

這就是O2O的有趣之處，線上線下的互動，可以幫助到商戶便利顧客，同時拓展生意的多樣性，而作為客人亦可受惠。之後我會分享更多趣味新事物，例如有傳統行業突破框框，利用O2O轉型成功的故事，記得留意啦。